ISSAI 140 «Мемлекеттік аудит органдарында сапаны бақылау»
Астана қаласы бойынша Тексеру комиссиясы техникалық оқу жоспары аясында «Халықаралық жоғары аудит органдары ұйымының (INTOSAI) сапаны бақылауды жүргізу жөніндегі Халықаралық стандарттардың (ISSAI 140) негізгі ережелері» тақырыбында қызметкерлерге семинар өткізді.
Техникалық оқу барысында құқықтық қамтамасыз ету және сапаны бақылау бөлімінің басшысы Әлназарова Айнұр Нұртасқызы Стандарттың негізгі талаптарын және оны сақтау қажеттілігін түсіндірді.
Стандарттың негізгі мақсаты - аудиторлық тапсырмалардың сенімділігін, дұрыстығын және халықаралық стандарттарға сәйкестігін қамтамасыз ететін мемлекеттік аудит органдарында сапаны ішкі бақылаудың тиімді жүйесін құруға және қолдауға ықпал ету болып табылады.
Аталған тақырыптың маңыздылығын атап өтіп, әріптестердің назары сапаны бақылаудың тәуелсіздігін қамтамасыз етуге, сапаны бақылау тәуекелдерін басқару жүйесін енгізуге, үнемі мониторинг жүргізу және кемшіліктерді жою тетігін құруға, сапаны бақылаудың барлық процестерін құжаттауға және ISSAI 140 сәйкес аудиторлардың тиімді кері байланысын ұйымдастыруға аударылды.
Бұдан басқа, Қазақстан Республикасыныңys4 «Мемлекеттік аудит және қаржылық бақылау туралы» 2015 жылғы 12 қарашадағы № 392-V Заңына енгізілген негізгі өзгерістер мен толықтырулар түсіндірілді.
