Лебо Егор Валерьянович

Лебо Егор Валерьянович

Астана қаласы бойынша Тексеру комиссиясының мүшесі

1981 жылы 31 шілдеде Жамбыл облысы Тараз қаласында дүниеге келген, ұлты орыс. Білімі жоғары: 2002 жылы М.Х. Дулати атындағы Тараз мемлекеттік университетін «Тағам өнеркәсібіндегі экономика және менеджмент» мамандығы бойынша, 2013 жылы - «Көкше» академиясын «Құқықтану» мамандығы бойынша бітірген.

Мемлекеттік қызметте 14 жылдан астам жұмыс істейді.

Еңбек жолын 2002 жылы қарашада ҚР ҚМ Қаржылық бақылау комитетінің басқармасында жетекші маман-жетекші бақылаушы-тексеруші ретінде бастаған. Осы ұйымда 2011 жылдың қазан айына дейін қызмет етіп, №2 бақылау бөлімінің басшысы лауазымына дейін жеткен.

2011 жылғы қазан айынан бастап 2016 жылғы тамызға дейін Астана қаласы бойынша Тексеру комиссиясында бас маман, бас инспектор, мемлекеттік аудит және қаржылық бақылау бөлімінің басшысы қызметтерін атқарды.

2016 жылдың тамыз айынан бастап 2017 жылғы маусымға дейін Шығыс Қазақстан облысы бойынша Тексеру комиссиясының мүшесі лауазымын атқарған.

Астана қаласы мәслихатының 2017 жылғы 23 маусымдағы шешімімен Астана қаласы бойынша Тексеру комиссиясының мүшесі лауазымына тағайындалды.

Республикалық бюджеттің атқарылуын бақылау жөніндегі есеп комитетінің «Қаржы бақылау саласының құрметті қызметкері» төсбелгісімен марапатталған.

Үйленген, 2 бала тәрбиелеуде.